About us

“ Пи Эс Си “ ХХК

Компанийн түүх

Пи Эс Си ХХК нь анх 2004 онд Professional Service for Construction гэсэн нэртэйгээр үүсгэн байгуулагдсан. Энэ үед бид Щвейцарийн Лихтэнштайн улсын HILTI фирмтэй борлуулагчийн гэрээ байгуулж,албан ёсны дистрибюторийн 70 дахь орноор бүртгэгдсэн юм. Хилти фирм нь батерейтей болон цахилгаан өрөмдлөгийн багаж/дрилл, лазер метр, бетоны цавуу зэрэг барилга, уул уурхайн зориулалттай бүхий л тоног төхөөрөмжийг үйлдвэрлэн дэлхийн харилцагч улс орнуудад нийлүүлдэг.

2004 оны сүүлээр манай компани Хилти фирмийн мэргэжлийн сургалтанд хамрагдан алмазан өрөмдлөгийн сервисийг анх нэвтрүүлсэн. Энэ төрлийн өрөмдлөгийн үйлчилгээг Монголд анх нэвтрүүлснээр барилгын хийцэд гажилт, цууралт үүсэхээс сэргийлж чадсан гэдэгт бид итгэлтэй байдаг.

Мөн түүнчлэн химийн бэхэлгээний материалыг бид анх Монгол улсад нэвтрүүлэн шинэ стандартыг тогтоосон. Үүнд ШУТИС-ийн бетон тестлэх лабораторын зүгээс энэхүү бэхэлгээний материалыг өөрсдийн лабораторид туршиж, монголын барилгын салбарт өргөнөөр нэвтрүүлэхэд үнэтэй хувь нэмэр оруулсан.

Манай нийлүүлж буй бараа бүтээгдэхүүний гол төв нь Герман болон Щвейцарь улсад байрлах ба, тухайн бүтээгдэхүүний төрлөөс хамааран үйлдвэрлэгчээс өгөгдсөн баталгаат хугацаатай худалдаалагддаг.

Бид бүх төрлийн цахилгаан гар багажиндаа 1 жилийн баталгаа өгөхөөс гадна, Инженерийн үйлчилгээ үзүүлж, өнөөг хүртэл сервис үйлчилгээ болон мэдлэг туршлагаа дээшлүүлсээр байна.

Бизнесийн хөгжил

2006 он

  • Шугам хоолой, түүний тоноглол, хаалтаас эхлээд хэмжилтийн төхөөрөмжүүд болон холбогч эд ангиуд хүртэл 50.000 гаруй нэр төрлийн бараа бүтээгдэхүүний сонголттой Щвейцарь улсын +GF+ брэндийн албан ёсны борлуулагч

2008 он

  • Герман улсын хөдөлмөр хамгаалал болон аюулгүй ажиллагааны бүх төрлийн багаж тоноглол үйлдвэрлэгч DRАЕGER фирмийн албан ёсны борлуулагч
  • Герман улсын агааржуулалт, хөргөлт, дулааныг хэмжих, түүний алдагдлыг хянах, аж үйлдвэрийн болон хүнсний салбарын зориулалттай бүхий л төрлийн хэмжих багажуудыг үйлдвэрлэгч TESTO фирмийн албан ёсны борлуулагч
  • Nemo® нэрийн шахалтат насос, Tornado® нэрийн эргэлтэт насос, буталгаа, өнгөлгөөний машин, тунгийн систем, эд анги, дагалдах хэрэгслүүд зэргийг үйлдвэрлэгч Герман улсын NETZSCH фирмийн албан ёсны борлуулагч

2009 он:

  • Герман улсын конвейрийн ремен/туузан дамжуурга болон түүнийг наах цавуу, резин зэрэг бүхий л дагалдах хэрэгслийг үйлдвэрлэгч NILOS фирмийн албан ёсны борлуулагч

2010 он:

  • АНУ-ын хөдөлмөр хамгаалал болон аюулгүй ажиллагааны бүх төрлийн багаж тоноглол үйлдвэрлэгч INDUSTRIAL SCIENTIFIC фирмийн албан ёсны борлуулагч

2011 он:

  • Том болон жижиг оврын машин механизмын бүх төрлийн түлхүүр, боолт, дорцов зэрэг механикийн багаж хэрэгсэл үйлдвэрлэгч Герман улсын ELORA фирмийн албан ёсны борлуулагч
  • Засвар үйлчилгээ, ажилчдын хоолны газар, сургалт зохион байгуулах өрөө зэргийг багтаасан шинэ барилга

Компанийн хэтийн зорилго

Бидний зорилго нь зөвхөн өндөр чанартай бараа бүтээгдэхүүнийг харилцагчиддаа нийлүүлэн, түүнд зориулсан Европын стандартад нийцсэн сервис үйлчилгээг үзүүлж ажиллахад оршино.

Сервис үйлчилгээ

Бид Хилти фиpмийн багаж хэрэгслийн борлуулалтын дараах засвар үйлчилгээ, оношлогоог түргэн шуурхай, баталгаатай, чанарын өндөр түвшинд хийж гүйцэтгэдэг.

Манайхаас нийлүүлэгдэж буй багаж бүр баталгаат хугацаатай. Тухайн баталгааны хүчинтэй хугацаанд текникийн бүх төрлийн эвдрэл гэмтлийг өөрийн зардлаар засч, сэлбэх үйлчилгээ үзүүлдэг.

Хэрэглэгчийн буруугаас үүдэж гэмтсэн гэмтлийг бид оношилж, шаардлагатай сэлбэгийг 14 хоногийн дотор захиалгаар нийлүүлэн, засвар үйлчилгээг үзүүлнэ.

Баталгаат хугацаанд хамаарах багаж:

  • Бүх төрлийн цохилттой, цохилтгүй өрөмдөгч багаж – 1жилийн баталгаат хугацаа
  • Бусад цахилгаан багаж, үүнд: Барилгын тоос сорогч, таслагч өнгөлөгч багажнууд, Бетон хананд хадаж буудах цахилгаан буу гм.– 6 сарын баталгаат хугацаа

Мөн Дрегэр фирмийн хорт хий илрүүлэгч бүх төрлийн багаж болон согтуурал илрүүлэгч багажнуудад калибровк/тохиргоо хийх үйлчилгээг үзүүлж байна.

Хамтарч ажилласан төслүүд

Бид Монгол улсад үйл ажиллагаагаа явуулж буй дотоод, гадаадын 300 гаруй нэгж компаниудтай хамтран ажилладаг бөгөөд харилцагчидтайгаа зөвхөн чанарыг эрхэмлэн ажилладаг. Хамтран ажилласан төслүүдээс дурьдхад:

2004-2005 онд: SS Club – Усан бассейн төсөл – Инженерийн үйлчилгээ, ханган нийлүүлэлт, барилгын ажил (EPC service: Engineering-Procurement-Construction)

2007-2008 онд: Тэрэлж зочид буудал - Усан бассейн төсөл – Инженерийн үйлчилгээ, ханган нийлүүлэлт, барилгын ажил (EPC service: Engineering-Procurement-Construction)

2007-оноос хойш: Оюу Толгой төсөлд – Хилти фирмийн тороосон хөрөөний нийлүүлэлт, бүрэн хэмжээний сургалттай ; Хилти фирмийн дрилл, таслагч өнгөлөгч, тэлэгч боолтууд, барилга уурхайн зориулалттай тоос сорогч гм., Дрегэр фирмийн уурхайн гүнд хорт хий илрүүлэгч багаж, баг, маскнууд, ажилчдын аюулгүй ажиллагаанд Алкохол илрүүлэгч багаж гм.

2009-2010 онд: MCS группийн Шангрилла (Central Tower) төсөлд – Хилти фирмийн галаас тусгаарлах материалын нийлүүлэлт.

2009 оноос хойш: 3,4-р цахилгаан станц, Energy resources, Агаарын чанарын албанд- Тесто фирмийн 350 багаж (зуухны яндангаас гарах хорт хийн агууламж хэмжих багаж)

2012 онд: MCS группийн “International Medical Center” төсөлд +GF+ фирмийн эмнэлгийн эрүүл ахуйн шаардлагад нийцсэн шугам хоолойн системийн ханган нийлүүлэлт, Герман мэргэжилтний сургалтын хамт.

2012 оноос хойш: Баян Айраг Эксплорэйшн ХХК-д – Хилти фирмийн нураагч бутлагч багаж болон өнгөлөгч,таслагчийн ир, Дрегэр фирмийн хөдөлмөр хамгааллын хэрэгсэл

2013 онд: Замын цагдаагийн газарт согтуурлын тун илрүүлэгч багажнууд гэх мэт төслүүдийг амжилттайгаар хэрэгжүүлж, барилга, уул уурхай, хүнс/хөнгөн хүнсний үйлдвэрлэл, цахилгаан станц, нийслэлийн замын цагдаагийн газар, онцгой байдлын ерөнхий газар зэрэг бүхий л салбарт хамтран ажиллаж байна. 


Our BRANDS